Badtameez... Fauji.....

"Bhai Saab... Zara akhbaar denge...

Ek thakaa sa fauji, raat ke kuch gyaarah baje..

train ke dibbae mein soye hue ek yaatri ko utthane ki koshish kar raha thha..

"Bhai saab... Bhai saab .. zara akhbaar denge..."

Woh yatri uthh kar apni seat par baith gaya... aakehin malta hua bola "kya hai bhai...??"

Fauji apni wardi mein hi thha.. ... uski chutti cancel hui thhi..

Duty pe wapas turant bulaaya thha, reservation milna to namumkin thha,

isliye woh general tiket lekar seedha chhadh gaya thha train mein..

"Bhai saab.. woh akhbaar denge zara.. mein yahaan neeche bichha ke so jaaungaa..."

Fauji halki si aawaz mein bola..

"Arrey bhai saab kyaa baat kar rahein hai .. yahaan ladies so raheein hain .. aap kaise so saktein hain yahaan par"..

woh yaatri zor se chillaayaa..

Fauji ko bhi thoda gussa aayaa... "sirf 4-5 ghante ki baat hai bhai saab... who bhi thoda sa zor se bolaa.."

Baat kaafi badh gayi... aas paas ke log bhi uth gaye...

Hathaapaai.... hui.. Fauji akelaa thha, thaka hua thaa isliye..

jyada kuch kar naa saka... kuch college ke ladkon ne... khoob haath pair chalaaye..

Agle station par police aayi, fauji to train se neeche utaar diya gaya..

kuch chote mote akhbaar ke reporters bhi aaye.. agle din kuch akhbaaron mein khabar bhi aayi..

yaatri ka naam, station ka naam... humgaame ka pura vivaran thha...

par fauji ka naam nahin thha...

Fauji apne base to paunch gaya thha... na jaane kaise pahunchaa hoga.. par pahunchaa thha...

Aate hi turant usse.. ek operation par bhej diyaa gayaa..

ek goli seedha sar par lagi... aur woh shaheed ho gayaa..

Agle din akhbaar mein khabar aayi.... "

aatankwaadion se muthbhed mein ... 6 aatankwaadi maare gaye aur sena ka ek jawaan shaheed hua"

.. ghatna ka pura vivaran thha... jagah ka naam thha... yahaan tak ki aatankwaadi sangathan ka naam bhi thha... par .... iss baar bhi...

fauji ka naam nahin thha..

Kaafi saal beet chukein hain, aaj bhi fauji ke gharwaale sochtein hain....

ki sar par goli ke ghaav ke alaawaa... uss ke haath aur pairon par jo choton ke nishaan thhe ... woh kaise aaye...

aur aaj bhi......woh log, jo uss train ke dibbe mein thhe uss din..

apne doston ko ,uss badtameez fauzi ki kahaani, badi chaav se sunaate hain...