Daftaron mein kahin Qaid hain... Zindagi ki roohein...

Isse sadko pe... Kheto mein.... Taaron ki chhat ke neechee le jaao ... yaaron...

Log sochte rahe..... Saansein ab bhi baaki hai......

Katl bhi kiyaa ussne to ... Hasta Chhoda mujhe....

Subah ka sooraj.. ab kuch garm sa hone laga hai.... chiddiyon ki aawaaz bhi dhundhli si hone lagi hai...

Khwaab koi raat ka .... puraa hone ko hai...

Kuch phate puraane mailay se note.... woh mutthi mein dabay chala jaa raha thaa....

Daulaton to apnii chupaa raha thaa....

Bas kitaabein hi nahi thhi school ke bastey mein .....

Daatein thhi kuch maa ki.... mor ka ek pankh thha...

Puraane kagaz ke kuch khilone bhhi thhe...

Woh jab gaya , garm chaadrein chhod gaya thha yaadon ki...

Takiye de gaya thha sapno ke...

Na jaane phir bhi kyon..... Neend naa aayi.. raat bhar.....

yaad nahin ... gum kyaa thaa... kuch to thaa...

kuch kaha to thha usne.... par dohraayaa nahin thaa....

deevar pe lage calendar ka... aaj palat gayaa panna....

naya mahina paidaa hua hai .... nayi zaruratein.. phir saans lengi.....

Mud ke zamane ki taraf dekha na thha usne.....Woh jab aaya thaa paas mere .....

Woh gaya to apni harkat phir dohra gaya mujh par.....

Gaur se inko chunaa kijiye....

Deewaarein ghar banati hain ... to giraati bhi hain....

khaamosh karte thhe jo kabhi mehfilon mein....

aaj kitaabon mein dhoondhtey hain mujhe....

Labon to yeh gilaa hai aakhon se....

ke woh jyadaa bolti hain...

sach bolti hain....

behtar bolti hain..

Chotu !!

Woh likh raha thaa kuch panno mein..

Haath mein ek chai ka gilaas liye....

Kisi akhbaar ka lekhak thha shayaad...

Baal mazdoori par koi article likhnaa thha usse...

Chai ki chuskiyaan lete hue usne kaafi kuch likh daala....

Khaali glaas bench par rakha... aur piche muud kar chillaayaa....

Chotu !!!!!! ek chaai aur laanaa....

Chalo duniya ke ab sapne bulaa rahein hain.....

Neendo se wafa thodi.... aaj karne do mujhe....

muddatein hui hain ... gum se judaa huey...

Yeh phir darwaaze pe aaj ... dastak kaun de gaya...

koshish zara si karta .... to mil hi jaataa mein..

usne apni aakhon mein... kabhi dhoondha nahin mujhe...

Khuda jaise mujhse pesh aa rahein hain woh.....

Tamaam minnatein meri... thukraa raahein hain woh...

Kis ka vaasta dekar mein roktaa usse.....

Khuda tak to woh.. ban chuka thha mera...

Jaanta hun tum bhul jaaogi mujhe....

Kabhi na kabhi to mil hi jaaunga tumhe.... Kitaabon mein dabe unn sukhe phoolon ki tarah.....

Naa koi khusi rahi... Na koi ummed.... Na Arzooo...

Woh jab gaya... sab le gaya mera...

mein bayaan karta raha apnaa haal sheron mein.....

woh samajhta raha labzon ki jaadugari isse.....

Kaagaz pe kuch chhod jaa raha hun tumhaare liye...

labzon ke siva mere paas kuch aur naa thha..

Stool pe chhad kar, bulb utaarte hue woh gira hai abhi....

Jo kabhi kehta thha aasmaan se ... taare tod ke laayega....

So na jaayein bhooke bachhe intezaar karte karte...

aawaaz bartano ki aati rahi rasoi se tab talak...

Bas paanch rupey ka sikka uski hatheli par rakh kar jo chamak dekhi uski aakhon mein....

khusi mili woh mujhe jo tab bhi nahin mili thi jab sone ke sikke kharide thhe bazaaron se maine.....

Gaur se dekho to bachhon ki aakhon mein bhi mil jaati hai....

Khushi iss tarah yuun.. bazaaron mein nahin milaa karti....

Jismo ko bikte dekha... ruhon ko bikte dekha...

Rikshe ke peeche bandhe chaddar ke jhoolon mein...

neendo ko bikte dekha.....

Tujhse kya shikaayat karun e khuda...

ke masjid ki lambi qataaron mein.....

tujhko bhi...

Raat odh kar woh sotaa raha iss darr se...

ke na jaane kab saveraa aakar chaadar kheench le..

E Mandiron ki lambi qataaron mein lagne waale....

Tujhe bhi Bhagwaan hi maante honge ,tere dar pe aane waale....

Pattharon pe sar jhuaaka ke teri ummed ab bhi kaayam hai....

Soch kya sochtein honge tere ghar se khaali lautne waale....

Taale lage apne ghar ki mein jebon mein chaaviyaan tatoltaaa hun....

Idar chhadar mein liptaa sadak par, ghar kisi ka pada hua hai...

Nahin aayein hai laut kar.. meri ghar ki khidki ke kabootar.....

Parindo ki diwaali nahin hoti.....

I was better when i was small

friends were all, no enemies at all

i grew up tall and selfish i became

all those around now are no more the same

some call me foe and some call me pal

i was better when i was small

I gave beggars what they called money,

even though i hadn't any

Today in my pocket i have my purse

but what i give is only the curse

i don't even listen , when they call

i was better when i was small

i didn't know what truth was , when i was young

but it was the only thing on my tongue

i cried a lot when it pained, i danced a lot when it rained

now i have my umbrella for the rain, and i have lost tears for the pain

i cannot even cry today when i trip and fall

i was better when i was small

i didn't knew which way was right or wrong

i only knew to move along

i used to scream , shout and sing

playing was the only thing

i don't have my cap today , i don't have my ball

i was better when i was small

The years have made me like a stone,

i stand on a mountain today, but i stand alone

I know i have grown, big , strong and tall

But i was better when i was small..

Dil ki baat karein , to kis se karein yahaan.....

Har kisi ke paas yahaan, lagata hai dil nahin hain...

Maa phir so gayi intezaar karte karte.....

Thandi rotiyon ne phir baat ki mujhse aaj der raat tak..

Woh ab bhi doondh raha thha lakdiyaan , chulhe ke liye....

Aaj dusshera hai, log kehtein hain aaj raavan jalaayaa jaayegaa..

Mere pyaar ki kahaani , na laaana kabhi jubaan par....

ke mohobbat se aitbaar kisi aur ka naa uth jaaye..

Chhoti si zindagi mein, haadse hue kai....

par roz hame lage... zindagi nai nai...

Aaaj phir bachhon ne haath na lagaayaa thandi rotiyon ko.....

Kal naukaron ke ghar phir daawat manaai jaayegi...

Kis Aur Le Jaa Rahi hai...

Na jaane yeh zindagi mujhe kis aur lejaa rahi hai....

Manzil nahin hai phir bhi, raahein dikha rahi hai....

Saath nahin hai Koi , par saath mein hai chalna...

Badalte hain riste yaahaan par kudh ko nahin badalnaa...

Aaankhon mein nahin hai neendein , phir bhi sapne dikhaa rahi hai..

Na jaane yeh zindagi mujhe kis aur lejaa rahi hai....

Kabhi Pankh laga kar udun mein, kabhi zamee par gir jaaun...

Kabhi aaine mein dekhun , kudh to nazar naa aaun...

Khusi mein kabhi rulaati.. kabhi gam mein hasaaa rahi hai...

Na jaane yeh zindagi mujhe kis aur lejaa rahi hai....

Kahin roothtaa hai koi, kabhi choothtaa hai koi...

kabhi milti hai jannatein , kabhi loot taa hai koi...

sanaato se daraati.... kabhi nagmein sunaa rahi hai...

Na jaane yeh zindagi mujhe kis aur lejaa rahi hai....

kabhi jaanu nahin kisi ko , kabhi bheed mein kho jaaun...

kabhi aapno pe jaan dun mein , kabhi gairon ka ho jaaun..

dooriyon to kabhi mitaati, kabhi faasle badhaa rahi hai...

Na jaane yeh zindagi mujhe kis aur lejaa rahi hai....

Thodi kal ki hain yaadein, kuch kal se ummidein...

bhoole kabhi dil kudh ko, kabhi yaad kare din beetey...

Waadon ko kabhi todti, kabhi kasmein nibhaa rahi hai...

Na jaane yeh zindagi mujhe kis aur lejaa rahi hai....

Na jaane yeh zindagi mujhe kis aur lejaa rahi hai....

Orron ko hasaaoon kabhi, kabhi aasun apne chupaaun...

Dil se kuch kahoon kabhi, kabhi hothon se batlaaun....

Insaan na ban ne de kabhi, kabhi khudaa banaa rahi hai....

Na jaane yeh zindagi mujhse kis aur lejaa rahi hai....

Kitne kisse kitni yaadein , chhod chalaa hun mein yahaan..

jaa raha hun mein wahaan, jahaan jaate kadamon ke nishaan..

har kadam pe ek aahat... har aahat par ek kadam badhaa rahi hai...

Na jaane yeh zindagi mujhe kis aur lejaa rahi hai....

Aajkal sabhi ko cricket ka bhukhar hai

To aapni team do bhi ad ka bhut sawar hai

Har dusre ad mein koi aapna bat ghumata hua nazar aata hai

Cricket to aata nahin, ad karne chala jaata hai

Sachin ke haatha mein to hamesha pepsi ki bottle rehti hai

Jiske liye saari team ke muh me laar behti hai

Mujhe to lagta hai, mujhe to lagta hai

Ki sachin ka baccha jab iss duniya mein aayega,

Pehle to aadhi bottle pepsi pi jaayega

Aur pinee ke baad machayega shor,

Mummy mummy yeh dil maange mor

Par bhai theek hai ke yeh dil maange mor,

Par yeh cricket hai, aur yeh cricet maange score,

Kaash kuud dar bottle pakadne ki kala ,

Cricket mein kaam aajati,

To India ab tak, to teen world cup jeet jaati

Ganguly ka balla aajkal bajta ho ya na bajta ho

Par uske ghar mein tata indicom jaruur bajta hai

Aur jab bhi who thak jaaye aur ho jaaye niraash

Haazir ho jaata hai zhandu ka kesri chavan prash

Dravid to aajkar cricket se bahut duur hai

Aur jaamy ke naam se mashahur hain

Yuvraj paanch gend khel ke out ho jaata hai,

Par fashion ke dunia mein inko bahut jaana jaata hai

Irfan pathan ke dimag mein bowling ke aalaawa sabkuch jaa raha hai

Aajkal who hero cycle chala raha hai,

Aur mujhe lagta hai , thodi hi dino mein amul waale aayenge

Aur dhoni to ad ke liye lejaayenge,

Aap soch rahe honge ki har koi kisi na kisi ad mein laga hua hai,

Phir harbhajan singh kyon bacha hua hai,

Harbhajan bhi kisi din aapni kismet aazmaayenge

Shayad kisi shampoo ke ad mein uske lambe baal kaam aajaayenge

Shaayad ek din aisa bhi aayega

Tendulkar chaap bidi piyega koi,

Koi jadeja sabun se nahayega

Koi azhar chai pi kar aapni susti bhagayega

To koi jooton par kambli polish lagayega,

Samajh mein nahi aata yaar , yeh cricket hai ya bazaar

Khiladiyon ke liye zamin se pepsi to nikal aati hai,

Par ek coach ke liye tarikh pe tarikh nikal jaati hai

Chahe labelon se saara sharer dhak jaaye

Par kahin criket ki aatma na dhak jaaye

Darta hun kahin yeh kisi cold drink ke bottle mein na doob jaaye

Ya kisi fridge mein na band ho jaaye

Ya kahin kisi car ke niche na kuchala jaaye

Ab bhi, Haan ab bhi

Over ki aakhri ball se pehle tv mein ad shuru ho jaati hai

Aur shayad hume cricket se aur dur lejaati hai

Aur shayad hume cricket se aur dur le jaati hai…

Mithelesh Baria.